Vokabularju

	ankra	biċċa għodda tqilta marbuta b’katina jew ħabel biex torbot id-dgħajsa jew vapur mal-qiegħ tal-baħar
	bandiera bajda	biċċa drapp bajda marbuta ma’ arblu li tfisser li mhux se jibqgħu jiġġieldu
	ċorma	grupp ta’ baħrin fuq vapur
	ġifen	vapur żgħir bil-qlugħ
	ganċ	biċċa ħadida mgħawġa għat-tond
	gżira	art imdawra bil-baħar
	isalpa	vapur jitlaq mill-port
	kabina	kamra fuq vapur
	kanun	arma li tispara balal
	kaverna	għar
	kaxxa tat-teżor	kaxxa tal-injam bl-għatu jissakkar li fiha jżommu t-teżor
	kelb il-baħar	annimal tal-baħar kbir ħafna, perikoluż u feroċi bi snin ippuntati
	klandestini	nies li jitilgħu fuq vapur bla permess u mingħajr ma jħallsu l-biljett
	kumpass	strument li jurik fejn hi t-Tramuntana, Lvant, Nofsinhar, Punent...
	kursari	pirati
	mappa	karta bi pjanta ta’ post b’istruzzjonijiet ta’ kif tasal
	port	daħla fl-art fejn jieqfu l-vapuri
	sirena	ħlejqa nofsha mara u nofsha ħuta.
	taverna	ristorant fejn il-pirati kienu jieklu u jixorbu l-birra fil-port
	teleskopju	tubu bil-lentijiet biex tara affarijiet li jkunu qegħdin fil-bogħod aħjar.
	teżor	oġġetti prezzjużi u ta’ valur għoli bħal deheb, muniti, ġojjelli...
	xabla	arma taqta li jużaw il-pirati

Ipprattika l-vokabularju